Velkomin á námskeiðið!

Á námskeiðinu er fjallað um gildi góðra leikja í frístunda- og skólastarfi. Nefna má kynningar – og hópstyrkingarleiki, hlutverkaleiki, einfalda og flókna námsleiki, hópleiki, rökleiki, gátur, þrautir, spurningaleiki, umhverfisleiki, námsspil, söng- og hreyfileiki, orðaleiki og tölvuleiki, leikræna tjáningu o.s.frv. Áhersla verður lögð á að kynna þátttakendum heimildir um leiki og verður sérstök áhersla á að kynna Internetið sem upplýsingabrunn um leiki. Þátttakendur spreyta sig á að prófa margvíslega leiki og leggja mat á þá. Þá verður unnið í hópum við að safna góðum leikjum (námsmappa, e. portfolio) sem hægt er að nota í frístunda- og skólastarfi. Athugið að þetta námskeið er kennt á laugardögum, sex laugardaga, frá 9:30-14:00.

Við stefnum að því að kenna þessa daga: 5. september, 26. september, 17. október, 31. október, 14. nóvember og 28. nóvember.

Námskeiðið tengist uppbyggingu og þróun Leikjavefjarins – Leikjabankans (sjá www.leikjavefurinn.is) sem annar aðalkennari námskeiðsins hefur byggt upp með aðstoð kennara, kennaraefna og tómstundafræðinema.

Við hugsum námskeiðið eins og tilraunastofu fyrir leiki!

Aðalkennarar á námskeiðinu eru Ása Helga Ragnarsdóttir leikari og aðjúnkt við Kennaradeild Háskóla Íslands og Ingvar Sigurgeirsson prófessor (umsjónarmaður). Gestakennarar: Nanna Hlíf Ingvadóttir tónlistarkennari, Jakob Frímann Þorsteinsson tómstundafræðingur og Ragnar Þór Péturssson kennari (og formaður Kennarasambands Íslands).

Leikir í frístunda- og skólastarfi

Valnámskeið í tómstunda- og félagsmálafræði
(TÓS305G haust 2020)

Markmið Vinnnulag Námsmat Námið Facebook