Mat á verkefninu

7.6. 2019 Matsfundur stjórnenda grunnskólanna í Árborg haldinn í BES

Hvað hefur áunnist í verkefninu?

  • Dagskrá hefur gengið vel og kennarar verið sáttir við hana. Lokadagur tókst sérstaklega vel.
  • Verkefnið hefur stuðlað að auknum kynnum milli skólanna, samvinna hefur vaxið og hugmyndum hefur verið miðlað.
  • Viðfangsefnin tengdust þörfum kennaranna – það var auðvelt að tengja þau við skólastarfið. Þau voru hagnýt. Frumkvæði hefur verið að koma frá kennurum meira en áður var.
  • Verkefnið var í anda hugmynda um skóla sem lærdómssamfélag.
  • Áhugaverð verkefni urðu til í skólunum.

Hvað mátti betur fara?

  • Millistjórendur hefðu mátt vera meira inni í málum frá upphafi.
  • Faglega ráðgjöf hefði mátt nýta með markvissari hætti.
  • Stjórnendur hefðu þurft að vera virkari, m.a. með því að vera meira inni „á gólfinu“.
  • Fyrirlestrar hefðu getað nýst fleirum.
  • Starfsþróun á talsvert undir högg að sækja vegna álags. Mörgum kennurum finnst starfsþróun vera að taka tíma frá undirbúningi.
  • Full langt var á milli viðburða.
  • Verkefnin sem unnið var að hefðu gjarnan mátt liggja fyrir fyrr.

Sóknarfæri – minnisatriði

  • Stjórnendur setji faglega ráðgjöf og stuðning í forgang. Áríðandi er að þeir fundi með teymunum.
  • Nýta hugmyndina um menntabúðir oftar.
  • Halda hugmyndum frá kennurum betur til haga.
  • Nýta frekar að stytta kennsludaga fyrir starfsþróunarumræðu í stað þess að nýta starfsdaga.
  • Nota starfsþróunarhugtakið fremur en að vísa til þróunarverkefna.
  • Leita leiða til að skapa sameiginlegt eignarhald á starfsþróunarhugmyndum.
  • Halda stjórnendafund í ágúst til að leggja betur á ráðin varðandi næsta skólaár.
  • Nýta betur faglega ráðgjöf inn „á gólfið“.

Aðrar ályktanir

  • Hefðbundið námskeiðsform hefur gengið sér til húðar. Leita þarf annarra leiða.

Aðalsíða verkefnisins