Skólaárið 2016-2017 bauð Skóla – og velferðarþjónusta Árnesþings, í samvinnu við Skólastofuna slf, skólum upp á skólaþróunartengt námskeið um fjölbreytta kennsluhætti og nemendamiðað nám.

Markmiðið var að dýpka þekkingu kennara á áhugaverðum kennsluaðferðum sem  henta vel nemendamiðuðu námi (hugtak sem við veljum fremur en eintaklingsmiðað nám). Einnig verður möguleiki á að fást við þróunarverkefni sem tengjast teymiskennslu, samvinnunámi, upplýsingatækni og leiðsagnarmati.

Verkefnið var sett af stað með málþingi / námskeiði í Hveragerði 10.-11. ágúst 2016. Gögn tengd málþinginu eru hér.

Í kjölfarið völdu kennarar sér verkefni til að fást við og gafst kostur á ráðgjöf um útfærslu.

Í júní 2017 var uppskeruhátíð þar sem afrakstur verkefnanna var kynntur.

Yfirlit um málþingið / námskeiðið og verkefnið í heild er að finna hér. 

Skólarnir: 

  • Bláskógaskóli – Laugarvatni
  • Bláskógaskóli  – Reykholti
  • Grunnskólinn í Hveragerði
  • Grunnskólinn í Þorlákshöfn
  • Flóaskóli
  • Flúðaskóli
  • Kerhólsskóli
  • Þjórsárskóli

Aðalleiðbeindur eru Ingvar Sigurgeirsson, prófessor við Kennaradeild Háskóla Íslands (sem jafnframt hefur umsjón með verkefninu með Skólaþjónustunni), Aldís Yngvadóttir, náms- og kennslufræðingur, Björgvin Ívar Guðbrandsson, verkefnisstjóri í upplýsingatækni við Langholtsskóla, Lilja M. Jónsdóttir, lektor við Kennaradeild Háskóla Íslands og Þórhildur Helga Þorleifsdóttir kennari í Flataskóla.

Hér er vefsíða þar sem safnað verður efni um teymiskennslu.

 

 


Skráð 20.4.2016 – uppfært 20.5. 2016 – Ingvar Sigurgeirsson