Skólaárið 2017-2018 verður unnið að framtíðarsýn fyrir Austurbæjarskóla í Reykjavík, auk þess sem stefnt er að því að velja skólastarfinu einkunnarorð. Haldnir verða hugarflugs- og umræðufundir með nemendum, foreldrum og starfsfólki þar sem staða skólans verður rædd og drög lögð að áherslum í starfinu til framtíðar.

Fyrsti áfangi stefnumörkunarinnar var miðvikudaginn 11. október 2017 en þá var haldið nemendaþing skólans. Annar áfangi var foreldraþing sem haldið var 22. febrúar 2018. Þriðji áfanginn er starfsmannaþing sem haldið verður 1. mars 2018.